اجمل ابداع فني امرأة منحوتة بشكل رائع

اسم النحاتة 

Luo Li Rong

نَحــــــــاتة / بـروكســــل

إبــدا ا. ا.  ا.   ع

لو لي رونج

ان شايف ان انتي لولي رأيت قوي عمرك ما كنتي رونج 

مكان و موعد لقاء الكاتب عمر طاهر في بورسعيد الأحد القادم

مكان لقاء الكاتب عمر طاهر في بورسعيد الأحد القادم

اللي الواحد اكتشفه لما كبر

حاجات الواحد اكتشفها لما كبر :

١- ان القعدة في البيت بالبيجامه أحسن من اجدعها خروجه. 

٢- ان شنطة الخروج لا يمكن تخلي من اَي مسكن لزوم الصداع و كنترولوك لزوم الحموضة. 

٣- ان النوم ده نعمة كبيرة فكرة ان الواحد يحط رأسه علي المخدة و ينام من غير قلق او الم. 

٤- ان الصحاب مش بكترهم و فكره الشلة دي يعني حوارات كتير. 

٥- ان مش كل حاجه تعبنا فيها كان ليها لزمه. 

٦- ان عمرنا ما نحكم بالشكل ، العشرة و المواقف بس هي اللي بتبين. 

٧- ان المعاتبة دي مجهود ذهني و نفسي جبار مايتعملش غير للناس العزاز و العزاز اوي كمان ، اما الباقي فابتسامة عريضه و بيتقالوا انت صح. 

٨- ان الوقت و العمر اللي عدي مش هيجي اده فلازم يستغل عدل و من غير زعل و لا حرقة قلب علي حاجة او علي حد 

٩- ان اللي ماوقفش جنبك في حزنك صعب يلاقي مكان في حياتك. 

١٠- ان الواحد مايخدش كل حاجة علي أعصابه و ان الدنيا مش مستاهله. 

لأن بجد في الاخر كله بيعدي و اللي بيفضل وش باين عليه الهم و شعر شاب بدري

سامى شرف يرد على اكاذيب عمرو موسى عن الرئيس جمال عبد الناصر.

صرح السيد "سامى شرف" سكرتير الرئيس جمال عبد الناصر للمعلومات ، ووزير شئون رئاسة الجمهورية الأسبق ، ان ما ورد فى مذكرات السيد "عمرو موسى" وزير خارجية مصر الأسبق ، وأمين عام جامعة الدول العربية سابقاً ، عن قيام الرئيس جمال عبدالناصر بإستيراد الأطعمة التى يتناولها من سويسرا لإتباعه نظام حمية غذائية لم يحدث مطلقاً ، وان المسئول عن مشتريات منزل الرئيس جمال عبد الناصر كان هو السيد "سامى شرف" ، وطوال فترة عمله مع الرئيس الراحل لم يحدث أبداً ان الرئيس عبد الناصر أمره بشراء طعامه من خارج مصر بل أن الرئيس عبد الناصر لم يكن يستورد دواءه من الخارج ، وأكد سامى شرف ان عمرو موسى خلال عمله بالسفارة المصرية ببرن بسويسرا كان هو الذى يستقبل سامى شرف خلال مهامه عمله فى سويسرا ، وتحداه أن يثبت إدعاءاته الخاصة بإستيراد الرئيس عبدالناصر لطعامه من الخارج

كما نفى سامى شرف الحكم الذى أطلقه عمرو موسى على مقامرة الرئيس عبد الناصر  بمصر فى حرب 1967 ، وتعجب أن يصدر حكم كهذا من دبلوماسي كان يعمل فى مكتب محمود رياض وزير الخارجية المصرى إبان الأزمة ، وأكد شرف ان أزمة 1967 أعقد بكثير من تسطيحها فى كلام فارغ مثل كون الرئيس الراحل مقامر أو مغامر، ودعا عمرو موسى لمراجعة ألاف الوثائق عما جرى خلال الحرب والأطراف التى تسببت فيها .

كما دعا سامى شرف السيد عمرو موسى لمراجعة مذكرات كل من عملوا بجوار الرئيس عبد الناصر ، وقراءة الأوراق الخاصة للرئيس الراحل ، ومراجعة محاضر اجتماعاته لكى يعرف ان الرئيس عبد الناصر كان مستمعاً جيداً لوزراءه ومعاونيه ، ولم يكن ديكتاتوراً لا يسمع لأحد ولا يأبه لرأى أحد وينفرد برأيه ، كما افترى عليه عمرو موسى فى مذكراته.

من المعروف ان احمد اشرف مروان حفيد الزعيم جمال عبد الناصر و ابن السيدة منى عبد جمال عبد الناصر قد طلق مؤخرا ابنة امين عام جامعة الدول العربية  عمرو موسى و تزوج بأخرى و طرد ابنة موسى من فيلا الساحل الشمالي التي كانت تقيم بها 

و يبدو ان ذلك كان له اثرا كبيرا في موقف عمرو موسى من الزعيم عند كتابة مذكراته تحت اسم كتابيه

و يذكر لعمرو موسى تسهيله احتلال العراق على ايدي القوات الامريكية و استدعاء كل اطياف القوات الغربية للتدخل في الشأن الليبي  وتدمير دولة ليبيا تماما و التي لم تستفيق منه حتى الان و انقسمت الى دويلات متحاربة 

كيف و ماذا تتمنى للآخرين موضوع تحفة

الموضوع منقول و متداول على عدة صفحات على الفيس بوك أشهرها صفحة الاستاذ احمد عوض 

في فيلم "لف ودوران" أحمد حلمي جَمَّع عيلته كلها على الغدا بعدين طلب منهم كل واحد يتمناله أمنية ، فَ مامته قالت : "إنك تتجوز و أشوف ولادك بيلعبوا حواليا". في حين ان جدته قالت : "إني ألحق أشوف عيالك" ، أمّا أخته فقالت : "مفيش حاجة محددة عايزاك تبقى مبسوط بس".

- هنا "حلمي" رد قالهم : "انتُم مش ملاحظين حاجة غريبة ،، الواحد أمَّا بيتمنى حاجة لحد بيتمنالُه الأُمنية اللي تسعده ، أمَّا إنتم اتمنيتوا الأُمنية اللي تسعدكم انتم وعشان كده أنا هحقق أمنية أختي و هخطب البنت الإيطالية" ،، هنا أختُه اتصدمت ،، وقالتل : "لأ أنا مش عايزاك تمشي و تسيبني". ، قالتله ده رغم إنها عارفة إن ده اللي هيسعده..

- وقتها فكرت في حياتنا اللي معظمها عبارة عن محاولات لإسعاد غيرنا .. لطالب اللي بيدخل طب عشان باباه عايزه دكتور ،، البنت اللي بتتجوز بدري عشان مامتها شايفة إن ده الصح ،، اللي بتتوظف في مكان مش حباه ، و اللي بيكمل في مجال مش حابه ، و اللي بتخلف عشان الناس عايزة كده ، و بعدين تخاويه عشان الناس عايزة كده ، و بعدين تجيب التالت عشان الناس عايزة كده ، و بعدين تجيب الرابع عشان اتنين و اتنين ، و اللي ضيَّعت سفرية عشان الناس و كلامهم ، و اللي كملت في خطوبة / جوازة عشان برضه الناس و كلامهم.

- ليه حياتنا كلها محاولات لإسعاد غيرنا سواء قريب أو بعيد ، مش بتفرق انتَ حابب ايه أو مش حابب ايه أو نفسك في ايه ، طب أقول على حاجة ؛ انتَ مهما اتشقلبت عشان تعجب الناس مش هتعجبهم ، و مهما اتشقلبت عشان ترضي اللي حواليك مش هترضيهم ،، أقولك على حاجة كمان ،، الحياة بتتعاش مرة واحدة مش مرتين ،، عيش الحياة اللي نفسك فيها مش اللي غيرك نفسه فيها ، و اتمنوا للي حواليكم السعادة وراحة البال ، متفتكرش نفسك بتبنيلهم حياة و انت بالنسبالهم مجرد سجَّان. وبتدمر حياتك.

منقول

عنوان و منيو قائمة طعام مطعم مشويات ابو الهنا شبرا الخيمة القاهرة

الموضوع منقول عن صفحة ايجيبشيان فوديز على الفيسبوك و الصور روعة بصراحة

للتعرف على احسن مطاعم مصر ادخل ع الصفحة

#فجع_نص_اليوم

#أكيلة_شبرا_الخيمة

 

أنا مش عارف بصراحة إزاي دي أول مره اجرب #أبو_الهنا صحيح احنا اتكلمنا عنه قبل كده مرتين بس دي تجربتي الشخصية الأولي هناك وبصراحة المكان يستحق أي كلمة اتقالت عنه قبل كده .. والجدير بالذكر إن التجربة دي كانت من تلات أيام الساعة خمسة الصبح والأكل طابق علي نفسي لغاية دلوقتي 😅

 

أهم حاجة في الموضوع هي الريش يا جماعة أنا ماشفتش الاختراع ده قبل كده ريش مستوية في اللية بعد كده بتنزل تاخد وش عالجريل عشان تطلع في الأخر حاجة في منتهي الاجرام طرية ودايبة زي الكتاب مابيقول ويمكن أكتر من الكتاب بشوية كمان.

 

جربنا بقي بقية الحاجات كلها تقريبا الكفتة هايلة برضو طعمها حلو فعلا, الكبدة والكلاوي ظريفة واللحمة رغم إنها مش ارفع حاجة في الدنيا لكن كانت طرية جدا خاصة اللي طالعة من الطاسة علي طول علي حسب نصيحة الدولي محمد صلاح  .. المخاصي بقي طعمها مختلف عن أي مكان تاني ممكن متعجبش كل الناس بس أنا عجبتني عشان كانت خفيفة جدا فعاملتها معاملة التسالي كده ..

 

مفيش كلام كتير اقوله بصراحة ممكن افهم لو ناس الأكل هناك معجبهاش قوي عشان تتبيلتة خفيفة جداً معتمد اكتر علي اللحمة والطعم اللي جاي من اللية بس انا فعلا اتكيفت جدا من الأكل هناك ولازم اشكر الصديق العزيز محمد عماد الإنجباوى اللي طلعني الطلعة العظيمة دي  ..

 

#الاسعار بقي الطلب بيتراوح من 50 ل 70 وهتلاقوا المنيو في آخر الصور.

 

#المواعيد اللي موضوع غريب قوي المكان فاتح 24 ساعة طول السنة المكان مش بيقفل خالص المطعم مالوش باب اصلا 😬 الرجل قالي احنا زي القسم مش بنقفل خالص.

 

#نصيحة اللي مش بيحب اللية والأكل التقيل قوي يبعد عن المكان ده خالص

#العنوان في شبرا الخيمة ميدان المؤسسة في وش قسم شرطة أول شبرا الخيمة إسألوا الناس هو معروف هناك جدا وده اللوكيشن عشان الوصول مش اسهل حاجة لو أنت مش من هناك:

https://maps.google.com/?q=30.120659,31.243427

تقييم وتصوير: إسلام سلامة

 

#EgyptianFoodies

نصائح مهمة عندما تكون موظف جديد في شركة

هذه نصائح احد كبار المديرين في شركة عالمية تعمل في مصر 

لما تكون موظف جديد فى اى شركه اتبع الآتى :

-  احفظ اسماء الناس كويس.

- اعرف كل واحد بيعمل ايه وعلاقتك بيه هتكون ايه

- تجنب الإنضمام إلى حزب ضد حزب داخل الشركه ( معظم الشركات فى مصر عاملين أحزاب ضد بعض ).

- اعرف روتينيات الشركه..اى شركه بتكون فيها روتينيات متوارثه ..فاعرفها وطبقها وماتحولش تغيرها لانك مش هتعرف !

- اعرف ايه المطلوب منك على وجه التحديد بالتفصيل الممل ..

- ماتقترحش اى حاجه جديده فى الأول...اشتغل زيهم لحد ماتفهم الشغل بتاعهم ماشى ازاى وبعد كده ابقى غير لو عاوز 

- ماتعاديش حد داخل الشركه..العلاقات علاقات عمل ماتحولهاش إلى مشاكل شخصيه

- تحمل اللى هيعملوا نفسهم فاهمين كل حاجه عليك..لحد ماتفهم اللى عاوز تفهمه..

- هتلاقى ناس يقلولك ايه اللى حابك هنا..ويفضلوا يذموا ليك فى الشركه واللى فى الشركه...دول سيبك منهم

- فى كل شركه هتلاقى ناس هتعطلك لاسباب ولغير اسباب..وناس هتساعدك لاسباب ولغير اسباب..مهمتك تعرف مين دول وتتعامل مع كل واحد حسب هدفه.

- ماتتكلمش كتير..اسمع كتير..خزن اللى بتسمعه وحلله وتفاعل معه..

معظم الناس فى مصر بيعتبروا الشخص الجديد ده لعبتهم أول كام شهر ..مش عارف ليه !!!