انهارده كنت عند مدير عام منطقة مصر القديمة "الدكتور" احمد فرج واللي كان طالب يقابلنا عشان يسمع اللي حصل يوم الجمعه الموافق ٩/٢/٢٠١٨ و بعد ما حكينا اللي حصل و أن ٤ بلطجيه بمطاوي اتهجموا علي المركز الطبي بمنطقة عين الصيره الساعه ٩ الصبح و مفيش حارس أو فرد امن و احنا بنات بس، دكتورة واحده و ممرضه واحده و عاملة نظافة واحده في المكان كله و حاولوا التهجم علينا جنسيا بتهديد السلاح و التفتيش اتكلم و لما قولنالهم ولا جم ولا كلموا النجده ولا حتي اتصلوا تاني يشوفوا حصل للناس دي ايه ماتوا ولا اغتصبوا ولا اتضربوا ومجاش تفتيش يوميها علي غير العاده لان كل جمعه بيجي ٣ تفتيش و كلمنا ابن العامله يلحقنا عشان ساكن في عين الصيره، جيه و معاه أصحابه بسكاكين و جريوا وراهم و عملت محضر رقمه ١٠٤٣ اداري ٢٠١٨ باللي حصل واحنا عايزين حارس أو أمن المركز عشان اللي حصل دا مايتكررش تاني او يتلغي نباطشية الجمعه احنا مركز طبي غير مجهز للطوارئ كان رد الدكتور احمد فرج "وايه يعني؟؟ انتوا اول مره يحصلكوا موقف زي دا؟؟ حصلت قبل كده في المركز؟؟" ردت العامله أن اه حصلت قبل كده أن حد يتهجم علي المركز للسرقه و كل ممرض أو دكتور حصل له علي الاقل مره قال لها " مره؟؟ انتوا متحفزين كده ليه؟؟ ما ممكن تحصل ف اي مكان في البنك في السفاره" قلت له في السفاره ولا البنك في كاميرات و امن هيتجاب حتي لو كده قالي "هتستفيدي ايه حتي لو جبنالك العيال دول حتي لو كان حصل حاجه و اتعدموا هتستفيدي ايه" و بدأ في نقاش لا داعي له و أن اللي عايز يجيب كاميرا أو حارس يبقي علي حسابه و اشتد النقاش بيننا عشان بقوله كلنا خايفين نحضر نباطشية قالي "اللي مش هيحضر هيتجازي" قلت له مش فارقلينا قالي مرتبي دا اللي بيوديكي و يجيبك قلت هو دا مرتب؟؟ قالي "امضي علي ورقة تنازل عن المرتب و اطلعي بره" بعد ما مشيت بيسأل الممرضه "انتي مدام" قالت له اه اشمعني؟ قال لها "اشمعني؟ انتي هتجدلي انتي كمان طيب هي انسه ف ماشي مشدوده انما انتي ايه؟" ردت هو هتك العرض فيه انسه ولا مدام؟؟ فردت التفتيش ريهام عزمي مستنكره "هي عشان الدكتورة من مصر الجديدة نسيت انها في عين الصيره" علي أساس أن اللي من عين الصيره عرفوا يعملوا حاجه ما كانت خايفه زيها زيي وقتها و في الاخر قال "هي بتتكلم ليه قال يعني فيها الطمع اوي" فضحكت مديره مركز عين الصيره "الدكتورة" هدي طنطاوي و قالت "اه ماهي رفيعه" فقال"امال لو ماليانه شويه دي التانيه فيها الرمء عنها" قالوا عم إسماعيل "راجل مسن مريض يمشي بعكاز" يجي حراسه.
مدير منطقه طبيه المفروض "دكتور" بيعاين اجسامنا لا و كمان بيقول رأيه مين يغتصبوها و مين لا "دكتور" بيقول علي ٤ دخلوا يغتصبوا بنتين من مركز عنده و ايه يعني "دكتور" بعقليه شايف أن المدام بتتشد ليه من فكرة الاغتصاب دي حاجه في منتهي الارف و لا تمت الرجوله بصله.
ارجو من الكل اعملوا شير خلي الموضوع يوصل لأي مسؤول عنده ضمير يشوف مشكلة مركز طبي عين الصيره و يشوف مسؤولين المنطقة الطبيه تفكيرهم ازاي دا لو كان كرسي من المركز هو اللي حصلت ليه حاجه كان زمان الدنيا قامت و ماعدتش و عهدا و الكرسي لكن كالعادة الناس ارخص حاجه في البلد و كل واحد خايف علي منصبه و مش مهم الناس اللي في المركز اللي بتتعرض كل يوم للخطر بلا داعي و هما في بيتهم منغطيين.
#اطباء_وممرضات_مركز_طبي_عين_الصيره_في_خطر
نقلا عن صفحة الدكتورة لميس لطفي طبيبة اسنان في المركز على الفيسبوك
No comments:
Post a Comment