بعد ما مات فواز بالأمس
و ماتت مهجة اليوم
و بعد التألق كل العمالقة المشاركين في المسلسل من اول فريق الكتابة آلِ دياب خالد دياب و شيرين دياب و محمد دياب لابد ان اذكرهم باسمائهم و لو اختلفت معهم حتى و لو بالعاطفة مع ما حدث الأمس و اليوم
الى وائل الفشني مغني المقدمة التي تدخلك الى المسلسل و النهاية التي تتابع بكائك و تصدق على الأحداث التي انتهت بها حلقة المسلسل تماما و سبحان الله كل كلمة معبرة في المقدمة و النهاية و لازم تلاقي حاجة في الحلقة متواكبة معاها شكرا كاتب الكلمات كمان
الى هذا الملحن الرائع الذي أعاد اكتشاف آلة المزمار هل هو طارق الناصر ام ياسر عبد الرحمن انا ماعرفتش مين بس يا جماعة فيه اكتشاف جديد في اغاني المقدمة و النهاية اسمه آلات مصرية زي المزمار مش موجودة غير عندنا و توصل الموسيقى المصرية للعالمية لو تم البناء عليها
المخرج عمرو سلامة متمكن جدا و رائع جدا و ماشي عكس تيارباقي المسلسلات و طبعا طايع حيموت في الآخر كده بس احنا مش متعودين على كده احنا عندنا البطل لازم يتجوز البطلة بتموت البطلة ليه حرام عليك و تصدم الناس كلها كده بصراحة الله ينور عمل مشرف يكفيك ان تقول انك مخرج طايع ليعلم الجميع انك مخرج متميز للغاية و رقم واحد في مصر من واحد من جمهور مسلسلك
فريق الانتاج هشام تحسين و رامي امام و ان لم يبخل اي منتج في اي مسلسل مصري هذا العام خاصة المسلسلات الكبيرة كطائر و رحيم و فوق السحاب و بالحجم العائلي و عوالم خفية و الكثير و الكثير حتى المسلسلات الكوميدي الصرف واضح
عمرو يوسف مع ان الملامح مش صعيدي و لا أدوارك اللي قبل كده تخلينا متوقعين انك حتاخدنا معاك قوي كده بس انت طلعت عبقري انت عينيك الخضراء دي و أحاسيسك و تفوقك خد الناس في حتة بعيدة جدا جدا نتيجتها طبعا النهارده واضحة في رد فعل الجمهور و كل واحد داخل يكتب انطباعه و مفكر نفسه بيتفرج على المسلسل لوحده و طلعت مصر كلها متابعتك انت يا عمرو برافو فعلا برافو
عمرو عبد الجليل طيب اقول لك ايه أوسكار يا عم الحاج اقسم بالله اللي بيمثلوا زيك كده بره بياخدوا أوسكار و ما بيعرفوش يعملوا زيك ، من ايام محمود المليجي و عادل ادهم لم ارى مثلك و انت تفوقت عليهم كمان لأنك مش نمطي انت قاتل اتنين في يومين و الناس مش قادرة تكرهك انت ازاي كده
صبا مبارك أدوارك كلها رائعة بس احترمتك في اول ظهورك بالمسلسل لأنك فعلا غيرتي ملامحك و اقتربت لبناتنا في الصعيد و بعدين لهجتك و بعدين أتفاجئت انك مكملة و من غير مكياج تقريبا و مش خايفة و بعدين اقول ايه على التمثيل و مشاعر الحب و الرومانسية اللي صبا مبارك بتعملها بنظرة عين فعلا برافو زي عمرو يوسف
احمد داش : يافواز مصر ولادة يا فواز مصر ولادة انت بتعمل ايه بقى بالظبط من يوم ما مثلت لا مؤاخذة من كام سنة ايه يا ابني ده
القديرة سهير المرشدي : طيب نقول ايه ده الطبيعي بتاعك و ازاي انتي ما تمثليش كل سنة عمل و اتنين و تلاتة
الطبيعي بتاعك انك سيدة المسرح و الشاشة و كل حاجة فنانة بكل معنى الكلمة
كل فريق العمل بلا استثناء حتى لو مر امام الكاميرا بدون كلمة حاجة متميزة و اداء رائع رافع رؤوسنا و محسسني ان بلدنا لسه فيها فكر و أدب و عمل و اجتهاد شكرا
طبعا كان لازم حد مجتهد زي المخرج الشاب روبير طلعت يموت و يتوفاه الله نتيجة المجهود الشاق الذي بذله في هذا المسلسل و كل هذا الإبداع و لكن تأكد يا روبير ان اسمك قد خلد بوضعه على هذا المسلسل
اخيرا انتم كل يوم ترند رقم واحدة تستحقون كل فريق العمل تصوير اضاءة صوت لهجة اي حاجةخلاص حتى اخر رمضان ان شاء الله و رقم واحد باكتساح مش مجاملة بعيدا عن الابطال الأسطوريين المنتشرين في المسلسلات الأخرى بس لازم تظبطوا لنا حربي من فضلكم علشان الناس تعرف تعيد
No comments:
Post a Comment