فضيحة :القبض على الممثلة زينة في الامارات

اللى مايشترى يتفرج !!!

الممثلة المصرية ( #زينة ) كانت فى #دبى بتقضى أجازة سعيدة وامبارح كانت قاعدة على بسين الفندق اللى بتقضى فيه الأجازة ( فندق أتلانتس ) ، لاقت طفلة عندها 11 سنة بتلعب مع أخوها فى البسين وماسكة #موبايل بتصوره ، فالهانم افتكرت انهم بيصوروها ، على اساس ايه مش فاهم ، ولا هى عندها ايه مش عند غيرها ولا هى معندهاش اى فضايح الناس كلها تعرفها !!!!

عليك بقا وعلى وصلة الشرشحة  والصريخ وقلة الأدب  اللى ظهرت من القاع فى شكل واحدة إسمها ( زينة ) ، اوعى تفتكر ان هو ده اللى حصل بس ، لأ يا فندم ده فيه كارثة حصلت

الأستاذة راحت للبنت بتشتمها بالمصرى شتايم قذرة ، فوجئت إن البنت مش بتفهم عربى أصلاً فالبتالى مردتش عليها وفضلت تلعب مع أخوها ، يعنى ده بيؤكد إنهم مايعرفوهاش أساسًا 

مش تسكت وتلم نفسها ، لأ دى مسكت البنت اللى عندها 11 سنة ضربتها وعضتها وكسرت موبايلها وخربشت وش اخوها اللى عنده 5 سنين لما كان بيدافع عن اخته وعورته فى شفايفه، أم البنت لما شافت المنظر جريت عليهم وبتسأل فيه ايه ؟ ، راحت #الممثلة المصرية قالتلهم انا زينة الممثلة يا ولاد كذا وكذا ( تقولش يعنى وزيرة !! )  وتهجمت عليها وضربتها ووصلة شتايم وأمن الفندق جرى عليهم ،

 وفى الوقت ده أبو البنت ظهر وكان بيتكلم مصرى وبيزعق فى زينة قالها انتى مين ، إحنا منعرفكيش أساسًا ولا نعرف إنك ممثلة ، بيقولها انتى بتعملى ليه كده هما اساسًا مايعرفوكيش وانا مش هسكت عاللى عملتيه فى مراتى وبنتى وابنى

هى بقا لما لاقيته بيتكلم #مصرى ، راحت شتماه بأهله من الشتايم اللى بنسمعها فى الشارع وقالتله أنا أسجنك هنا انت واهلك يابن كذا وكذا !!!

وإذ بالمفاجآة يا فندم ، تتوقع كده ايه هى المفاجآة ؟  

الراجل يطلع  صحيح من أصل مصرى لكنه مواطن أمريكى يحمل #الجنسية_الأمريكية هو وزوجته والبنت والولد =D =D ، المعنى الحقيقى للخازوق =D 

عارف أحمد حلمى فى ( عسل أبيض ) حاجة زى كده بظبط

فالشرطة الإماراتية حولتهم كلهم على قسم الشرطة المختص بالفندق، لكن الراجل الأمريكى رفض الإمتثال لـ #الشرطة الإماراتية ولجأ لقنصلية بلاده فى دبى 

تفتكر كده لجأ لأى قنصلية ( #مصر ولا #الولايات المتحدة )

لأ يافندم لجأ طبعًا للقنصلية الأمريكية   =D ، احنا هنهرج ولا ايه ،  وحولتهم القنصلية للمستشفى عشان يتعمل تقرير طبى ، و #القنصلية الأمريكية أصبحت تتولى التحقيق مع الشرطة وتم #القبض على زينة بتهمة #الإعتداء على #مواطن أمريكى ، ودلوقتى زينة طالبة التصالح وقدمت إعتذار للراجل وأسرته ، لكن الراجل رفض الإعتذار وأصر على سجن الممثلة المصرية .

كل التحية والتقدير للراجل المحترم فى إصراره على موقفه ، رغم إنى عندى تحفظ انه لما يشوف واحدة بتضرب مراته وبنته وابنه ، كان الأولى انها تتضرب قدامهم الأول وتاخد بالجزمة وبعد كده يلجأ للقنصيلة متهمها بالإعتداء عليه وعلى اسرته .